Unity Tutorial Sinhala - Unity ගැන සිංහලෙන් ඉගෙනගමු - Animator Controller - 6

ඔයාලට මතක ඇති අපි ගිය සතියෙ අපි හදාගත්ත game object එකට එහෙමත් නැත්නම් box එකට animation එකක් එකතු කර ගත්ත.තාමත් ඒ post එක බලල නැත්නම් මෙතනින්  බලන්න පුලුවන්. ඒත් තවම අපි මේ animation එක අපේ game එකට එකතු කරගත්තෙ නෑ. ඒ ගැන තමයි මේ post එකෙන් කියන්න යන්නෙ.

මේ animation අපට එකතු කරගන්න වෙන්නෙ Animator Controller එකක් හරහා. මේකෙන් වෙන්නෙ මෙහෙම දෙයක්. අපි game එක start කරනකොට, game එක ඕනම state එකක තියෙන කොට අපට අවශ්‍යය animation එක කරගන්න මොනවහරි key එකක් ඔබන්න, එහෙම නැත්නම් mouse click කරන්න වෙනව. ඉතින් මේකට අපට script එකක් ලියන්න ඕන. එහෙමත් නැත්නම් animation එකක් auto play වෙන්න. script එකයි animation එකයි අතර සම්බන්ධතාවය හදන්නෙ මේ animation controller එක හරහා.

Animator Controller එකක් add කරගන්න මුලින්ම project window එකේ Asset folder එක යටතේ Animator කියල folder එකක් හදා ගන්න. දැන් ඒක ඇතුලට ගිහින් right click කරල ලැබෙන menu එකේ
Create->Animator Controller තෝරන්න.

ඊට පස්සෙ පහල පේනව වගේ file එකක් හැදෙනව. ඒක තමයි අපේ box එකට අදාල Animator Controller එක. ඒක double click කරන්න.

දැන් අපට පෙන්නන්නෙ මේ Animator Window එක. ඒකෙ state දෙකක් තමයි මේ පහලින් ඔයාලට පේන්නෙ. එකක් Any State එක. ඒකෙන් කියන්නෙ අපේ game asset එක ඕනම state එකක ඉන්න වෙලාවට මොනවද කරන්න ඕන animation කියල. අනිත් එක Entry එක. ඒකෙදි වෙන්නෙ game එකට enter වුන ගමන් මොනවද වෙන්න ඕන animation කියල.

අපි දැන් අලුත් state එකක් ගන්න ඕන. එකට ඔය තියෙන base layer එකේ ඕන තැනක් click කරල Create state -> Empty දෙන්න.

දැන් ඒ state එකේ නම වෙනස් කරගන්න forward පහළ රවුම් කරල තියෙන තැනින්.

දැන් අපේ animation එක මේ state එකට add කරගන්න ඕන ඒකට aniamtion folder එකට යන්න project window එකේ තියෙන. දැන් ඒ animation එක drag කරල state එකේ motion box එකට animation file එක ඇදල දාන්න.




















දැන් hierarchy window එකෙන්  cube එක select කරගන්න. දැන් ඒකට අදාළ inspector  එක දකුනු පැත්තෙන් වටෙනව.

දැන් Animator folder එකට යන්න. ඒකෙ තියෙනව නේද අපි හැදුව Animator Controller එක ඒක ඇදල දන්න cube එකේ inspector window එකට. එතකොට මොකද වෙන්නෙ, අපේ Animator Controller එක cube එකට වැටෙනව.

දැන් play button එක ඔබල බලන්න game එක පටන් ගන්නකොටම cube එකේ animation එක වෙනව ඔයාලට පෙනේවි. මෙතනදි ඇත්තටම වෙන්නෙ අපි entry state එකේ ඉඳල forward state එකට animation එක මාරු වෙන එක.

හබැයි අත්තටම අපට කරගන්න ඕන ඒක නෙමෙයි. අපිට ඕන එක state එකක ඉඳල තව state එකකට මාරු වෙන්න key එකක් press කරාට පස්සෙ. ඒක කරන්නෙ කොහොමද කියල බලමු අපි ඊලඟ පාඩමේදි. මේකෙදි මොනවහරි ප්‍රශ්නයක් ආවනම් පහලින් comment කරන්න. ඔබට ජය!

Unity Tutorial Sinhala - Unity ගැන සිංහලෙන් ඉගෙනගමු - Unity Animation - 5

ඔයාලට මතක ඇති අපි පහුගිය post එකෙන් කතා කරේ game objects එකතු කරල unity environment එක හදාගන්නෙ කොහොමද කියල. අද අපි බලමු ඒ game objects වලට animation එකතු කරගන්නෙ කොහොමද කියල.කලින් post එක බැලුවෙ නැත්නම් මෙතනින් බලල එන්න පුලුවන් ඔයලට.

Unity වලදි අපටම Animation හදාගන්න පුලුවන් විදියට එයාල අපට options දීල තියෙන්න, ඒ කියන්නෙ game object (ex:- box) එකක position වෙනස් කරගන්න, rotate වෙන්න, ප්‍රමාණය වෙනස් කරගන්න වගේ පොඩි පොඩි වෙනස් කම් මෙකෙදි හදන්න පුලුවන්. (උදහරණයක් ලෙස අපට  Car එකක් ඉදිරියට පිටුපසට යවන්න ඕන) ඒ වගේ animation මෙකෙදි හදන්න පුලුවන්. ඒ වුනට මිහිහෙක් ඇවිදින animation එකක්. දුවන animation එකක් වගේ complex animation නම් මේකෙන් හදන්න අමාරුයි. එතනදි අපට Autodesk Maya, 3dx Max, Blender වගේ ලොකු software අපට භාවිතා කරන්න වෙනව.

අපි අද බලමු අපි ගිය සතිය create කරපු box එකට animation එකක් දාන්නෙ කොහොමද කියල. 

මුලින් අපට animation එක දාන්න ඕන object එක ඒ කියන්නෙ box එක select කරගන්න.ඊට පස්සෙ window -> Animation -> Animation තෝරන්න.(පහල රූපයේ පරිදි)

එතකොට ඔයාලට මේ animation window එක දකින්න ලැබෙවි. ඒකෙදි create තෝරන්න. 

ඊට පස්සෙ අපේ animation එක save කරගන්න window එකක් ඒවි. එතනදි අපි කැමති තැනක animation එකට නමක් දාල අපට save කරගන්න පුලුවන්. මම මෙතනදි animation කියල folder එකක් හදල, අපි හදන්න යන්නෙ box එක ඉදිරියට යන animation එකක් නිසා forwardAnimation කියල .anime file එකක් විදියට save කරගත්ත.

හරි, දැන් අපි animation එක දාන්න ඕන. ඒකට මම මේ නිල් පාටින් රවුම් කරල තියෙන රතුපාට බොත්තම ඔබල box එකේ පිහිටීම scene window එකෙන් වෙනස් කරගන්න. එතකොට ඔයාලට පෙනෙවි time එක  0 දි key frame එකක් වැටේවි. 

ඊට පස්සෙ cursor එක 1 වෙනි විනාඩියට තියල click කරන්න. එතකොට සුදුපාට ඉර 1 වෙනි විනාඩියට එනව. දැන් box එකේ පිහිටීම වෙනස් කරන්න ඉදිරියට යනව වගේ box එක ඉදිරියෙන් තියල.

දැන් මේ play button එක ඔබල බලන්න ඔයලට box එක ඉස්සරහට යන animation එක play වෙනව පෙනේවි. දැන් animation window එක close කරන්න.

ඔයාලට project window එකේ animation කියන folder එකේ ඔයාලට බලාගන්න පුලුවන් අපි හැදුව animation එක පහල රූපයේ වගේ.

තාම animation එක හැදුවට game එකට මේ animation එක දැම්මෙ නෑ. ඒක අපි බලමු ඊලඟ post එකෙදි. මේක ටිකක් වරදිනව වගේ නම් ගනන් ගන්න එපා. මං youtube video එකකුත් කරන්නම් මේ ගැන ඉක්මනටම. ඒකෙදි මම forward එකට වගේම box එකේ අනිත් animation(turn left, turn right) කරන්නෙ කොහොමද කියලත් කියන්නම්.

ඔයාලගෙ comments, ප්‍රශ්න තියෙනවනම් පහල comment section එකේ දාන්න. ඔබට ජය!

Unity Tutorial Sinhala - Unity ගැන සිංහලෙන් ඉගෙනගමු - Create a game project - 4

කලින් කිව්ව වගේ අද අපි අපේ Game එක හදන්නයි යන්නෙ මේ tutorial එක මුලින් බලන කෙනෙක්නම් ඔයාලට මෙතනින් මගේ පලවෙනි tutorial එකේ ඉඳල tutorials ටික බලල unity background එක ගැන idea එකක් ගන්න පුලුවන්.

ඇත්තටම එක post එකකින් සම්පූර්ණ game එකක් හදන්න අමාරුයි. මොකද game එකක් හදනකොට modeling, scripting, animation, lightning වගේ ගොඩක් දේවල් කරන්න ඕන. ඒක නිසා මේව වෙනම කොටස් වශයෙන් ඉදිරි post වල ඔයාලට බලන්න පුලුවන්. අද අපි බලමු game එකේ පරිසරය හදගන්නෙ කොහොමද, කැමරා place කරන්නෙ කොහොමද කියල.

හරි, මුලින්ම unity, open කර ගමන් ඔයාලට පේන්නෙ මේ පහල තියෙන window එක.

එතනින් ඔයාලට project name එකට කැමති නමක් දෙන්න ඔයාල හදන project එකට අදාළව. ඊට පස්සෙ project එක save කරන්න ඕන තැනත් දෙන්න. සාමාන්‍යයෙන් unity project, save වෙන්න unity තෝරල තියෙන්නෙ My documents වල. ඊට පස්සෙ project එක 3D එකක්ද එහෙමත් නැත්නම් 2D එකක්ද කියල තොරන්න ඕන. අපි දැන් කරන්නෙ 3D project එකක් නිසා 3D තෝරන්න. ඊට පස්සෙ Create Project තෝරන්න.

එතකොට උඩ රූපයේ පේනව වගේ project එක ඇවිත් ඇති Untitled කියල scene එකත් එක්ක. අපිට default දෙනව Main camera එකයි Directional Light එකයි scene එක යටතේ. මුලින්ම ඔයාල scene එක save කරගන්න කැමති නමකින් files -> Save Scene (මම Scene එක save කර්ල තියෙන්නෙ  "3" කියල )තෝරල.

ඉහල පේනව වගේ scene window tab එක තෝරල අපි game එක build කරන scene එකට යන්න ඕන.

ඊට පස්සෙ game එක හදන්න game objects ගන්න ඕන. අපිට cube එකක් ඕන කියමු.

GmeObject -> 3D object -> Cube තෝරන්න. ඒ විදියට ඔයාලට කැමති GameObject එකක්(sphere,capsule,cylinder,plane etc) අපේ Scene එකට එකතු කරගන්න පුලුවන්.

දැන් මේ cube එකට වෙනස්කම් කරන්න පුලුවන් W(cube එකේ පිහිටීම වෙනස් කරන්න), E -(cube එක හරවන්න), R - Cube එකේ size එක වෙනස් කරන්න. හරි අවශ්‍ය විදියට හදාගත්තට පස්සෙ Game objects වලින් Plane එකකුත් ගන්න cube එක ගත්ත විදියටම.

දැන් ඔයාලට මෙන්න මේ විදිහයට තමයි පේන්නෙ. scene window එකේ එහෙම පෙනුනට ඇත්තටම  game එක play button එක ඔබල play කරොත් ඔයාලට එහෙම පේන එකක් නෑ. මොකද තාම Main camera එක අපිට game එකේ පේන විදියට හදාගන නැති නිසා. ඒකට Main camera එක select කරන්න hierarchy window එකෙන් .

ඊට පස්සෙ Main camera  එක scene window එකේදි W key එක ඔබල පිහිටීම වෙනස් කරන්න අපි ගත්ත cube එක පේන විදියට.

මම හදා ගත්ත විදිය තමයි ඔයාලට ඉහලින් පේන්නෙ. scene window එකේ camera preview එකෙන් අපිට බලන්න පුලුවන් Main camera එකෙන් Game එක පේන ආකාරය. ඒ විදියටම Game window එකෙනුත් අපට පේනව. දැන් scene window එක ඉහල play mode වලින් play කරල බලන්න.

එතකොට Game එක පේන ආකාරය game window එකෙන් බලාගන්න පුලුවන්.(ඉහත ආකාරයට)

මං හිතන්නෙ දැනට ඔයාලට idea එකක් ඇති  Game objects කොමහොමද game එකේ පෙනෙන ආකාරයට place කරන්නෙ කියල. ඊලඟ tutorial එකෙන් බලමු Game objects වලට animation එකතු කරන්නෙ කියල.

ඔයාලගෙ comments, ප්‍රශ්න තියෙනවනම් පහල comment section එකේ දාන්න. ඔබට ජය!

Unity Tutorial Sinhala - Unity ගැන සිංහලෙන් ඉගෙනගමු - Main Windows -3

Unity, 3 වෙනි tutorial එකත් එක්ක තමයි අද ඔයාල එකතුවෙලා ඉන්නෙ. ඉතින් මගේ පලවෙනි සහ දෙවනි tutorial වලදි මම කතා කරා කොහොමද unity install කරගන්නෙ සහ unity asset flow එකත් එක්ක වැඩ කරන්නෙ කියල, නොබලපු අයට පුලුවන් පහල ලින්ක් එකෙන් ඒ post එකත් බලන්න.

Introduction :- http://binojishara21.blogspot.com/2018/09/unity-tutorial-sinhala-unity.html
Asset Workflow :- http://binojishara21.blogspot.com/2018/10/unity-tutorial-sinhala-unity-asset.html

පොරොන්දු වුනා වගේ මේ tutorial එකෙන් කරන්න බලාපොරොත්තු වෙන්නෙ unity වල තියෙන main windows මොනවද, ඒවත් එක්ක වැඩ කරන්නෙ කොහොමද කියල ඔයාලත් එක්ක කතා කරන එක.

Unity වල ප්‍රධාන windows 6 ක් තියෙනව.

1. Project Window 
2. Scene Window
3. Hierarchy Window
4. Inspector Window
5. Toolbar
6. Game Window

1. Project Window

නම දැක්ක ගමන්ම හිතන්න පුලුවන් project window එක කියන්නෙ මොකද්ද කියල. ඔව් ඔයාලගෙ unity project එකට අවශ්‍යය සියලුම assets(වස්තු)  තියගෙන ඉන්නෙ මේ window එකේ. අපට අවශ්‍ය වෙලවට මේ window එකෙන් assets අරගෙන අපේ game එකට add කරන්න එහෙමත් නැත්නම් වෙනත් asset එක්ක සම්බන්ධ කරනකන් මේ window එකේ තියා ගැනීමේ හැකියාව තියෙනව.

ඔයාලට පේනව ඇති window එකේ වම පැත්තෙ තියෙන්නෙ අපේ project එකේ listed view එකක් ඉතින් අපට පුලුවන් පහසුවෙන්ම ඒ folders වලට ගිහින් අපට අවශ්‍යය folder එකේ තියෙන assets මොනවද කියල window එකේ බලගන්න.  

ඒ වගේම ඔය වම පත්තෙ ඉහල කෙලවරේ තියෙන favorite section එකට අපට පුලුවන් අපිට නිතර භාවිතා වන asset එකක්  drag කරල දාල ඒ asset එක නිතර නිතර භවිතා කරන්න යොදා ගන්නත්.

ඒ වගේම favorites  යටතේ search කරන්න කැමති ඕන දෙයක්(Material,Model,Prefabs,Scripts) තෝරගෙන Search ඉස්සරහින් තියෙන ඔය රතුපටින් වට කරල තියෙන drop down එකෙන්  Asset store තෝරල අපට අවශ්‍ය free සහ paid assets වෙනම filter කරල ගැනීමේ හැකියාවත් තියෙනව. ඉතින් ඒක asset store එකෙන් asset ගන්න ලොකු පහසුවක්. 

2. Scene Window

Scene window එක කියන්නෙ අපි game එක develop කරන්න use කරන window එක කිව්වොත් නිවැරදියි. අපට අවශ්‍යය සියලුම assets, game එකේ තියෙන්න ඕන විදියටම drag කරල place කරන්න මේ window එක උදව් වෙනව. ඔයාලට පෙනව ඇති දකුනු පත්තෙ උඩ කෙළවර,

මේ සලකුණ. මේකෙන් පෙන්නන්නෙ අපට Game එක පෙන්නන view එක. x,y,z කියන ආනත තල තුනට අදාලව අපේ game එක පෙන්වන ආකාරය කිව්වොත් නිවැරදියි. ඔයාලට පුලුවන් ඔයාලට කෙමති දිශානතියකින් බලන්න අවශ්‍යය තලය මත click කරල.

තව අපට අවශ්‍ය විදියට scene window එක එහා මෙහා ගෙනියන්න, ලක්ෂ්‍යයක්  වටා කරකවන්න වගේම විශාලනය කරන්න පහත keys ඕන වෙනව.

- Alt key එක ඔබාගෙන middle mouse button එක ක්ලික් කරගෙන scene එක එහා මෙහා ගෙනියන්න.

-  Alt key එක ඔබාගෙන left mouse button එක ක්ලික් කරගෙන scene එක ලක්ෂ්‍යයක් වටා කරකවන්න.

- mouse wheel එක කරකවන්න scene එක zoom කරන්න.

Scene view control bar

මේ bar එක වම් පැත්තෙ උඩ කෙළවරේ ඔයාලට බලගන්න පුලුවන්. shaded කියන drop down එකෙන් අපට scene එක shading mode එකේ එහෙමත් නැත්නම් වස්තු පෙනෙන ආකරයටම හෝ wireframe සැකිලි ආකාරයට බලන්න හදාගන්න පුලුවන්. 2D button එකෙන් 2D,3D පෙනෙන ආකාරයට වෙනස් කරගන්න පුලුවන්. light icon එකෙන් scene එකේ lights, on off කිරීමේ හැකියාව තියෙනව. Audio button එකෙන් ශබ්දය ඇති නැති කරන්න පුලුවන් වගේම ඊට එහා effect button එකෙන් skybox, fogs flares, animated material ඇති නැති කිරීමේ හැකියාව තියෙනව.

3. Hierarchy Window 

ඔයාල game එකක් හදනකොට game project එකට අදාලව default scene එකක් ලබෙනව. ඉතින් මේ scene එකට දාන assets පෙන්නනෙ  hierarchy window එක ඇතුලෙ. අපි scene window එකට asset එකක් දානකොට hierarchy window එකේ ඒ asset එක පෙන්නනව.

තව දෙයක්, මේ window එකේදි එක asset එකක් යටතේ තව asset එකක් අනිත් assets දාන්න පුලුවන්. මේකට කියන්නෙ parenting කියල. බලන්න උඩ රූපයේ parent යටතේ child, child 2 කියන asset 2ක තියෙනව. child 2 යටතේ  child 3 කියන asset එක තියෙනව. මේ විදියට child parent සම්බන්ධතා තියන්න මේ window එක උවමනා වෙනවා.

ඔයාලට පහසුවෙන්ම child විය යුතු asset එක drag කරල parent මත තියන්න පුලුවන්. එතකොට කලින් asset එක parent asset එකේ child කෙනෙක් වෙනව.

4. Inspector Window

Inspector window එකෙන් තමයි අපේ game objects වලට අදාල විස්තරාත්මක තොරතුරු සපයන්නෙ ඒවගෙම අපට අවශ්‍ය ආකාරයට game objects(assets,scripts,material prefabs) වල settings වෙනස් කරන්න වගේම game object වලට components, add කරන්නත් මේ window එක උවමනා වෙනව. 

ඉහත රූපයේ ඔයාලට පේන්නෙ player කියල game object එකකට colliders, Rigidbody, Scripts වගේ components add කරල තියෙන ආකාරය. ඉස්සරහ පාඩම් වලදි මේ window එක භාවිතා වෙන ආකාරය ප්‍රායෝගිකවම ඔයාලට බලාගන්න පුලුවන්.

5.Toolbar

Toolbar එක තියෙන්නෙ unity window එකේ උඩම. මේකෙ තියෙන tools වලින් කරන දේවල් පහල තියෙනව. 

 - scene view එකේ game object වල සිදුවෙන වෙනස්කම් මේකෙ පෙන්නනව.

- scene view එකේ objects වල කේන්ද්‍රය ලකුණු කරන්න.  ඒව කරකැවෙන හැටි පාලනය කරන්නෙ මේ tool එකෙන්.

- හදපු game එකක් play කරන්නෙ pause කරන්නෙ, step කරන්නෙ මේ button වලින්.


- unity service window එක open කරන්න පුලුවන්.


- ඔයාලගෙ unity accounts වලට අතුලු වෙන්න පුලුවන් මේකෙන්.

- scene window එකේ පෙන්වන්න ඕන මොනවද කියල මේ tool එකෙන් තෝරන්න පුලුවන්.
- unity window එක පෙනෙන ආකාරය මේකෙදි තෝරන්න පුලුවන්.


6.Game Window 

game එක cameras වලින් පෙනෙන ආකාරය තමයි game window එකෙන් බලාගන්න පුලුවන්. ඒකට ඔයාල game එක හදල play mode වල play button එක click කරන්න. එතකොට අපේ අවසාන game view එක බලාගන්න පුලුවන්.

- play mode

මේ window එකේ free Aspect කියන drop down එකෙන් ඔයාලට පුලුවන් game එක පෙනෙන ආකාරය වෙනස් කරගන්න. scale එකෙන් කැමරාව පෙනෙන ආකාරය විශාලනය කරන්නත් පුලුවන් දෙගුණයක් දක්වා.

ඉතින් අද පාඩමින් අපි windows ගැන ගොඩක් දේවල් කතා කරා. මේව කරල බලන්න තව තව දේවල් සොයාගන්න. ඉතින් දැන් අපි unity වට පිටාව දන්න නිසා ඊලඟ පාඩමේදි game එක හදන වැඩේට බහිමු. ඔයාලට තියෙන ප්‍රශ්න, comments මට එවන්න පහල comment section එකෙන්. ඔබට ජය!